Nouos vchin à la St. Jean, Le pus biau temps d'l'annèe Ioù cmenche la rlevèe, Qui s'en va finir l'an. Car l'an est comme un jour; Quand i' cmenche il est sombre, Et i' finit dans l'ombre, Tout comme fait l'amour. Ch'est etou le portrait De la pus longue vie; Ou cmenche, oulle est finie Dans l'ombre comme un trait. Ch'est de tous le destin; Que chacun donc s'apprête, Car jamais rein n'arrête Le moment de la fin.
P.L. |
Viyiz étout: