|
La Loè n'fait pas d'difféthence entre des difféthentes sortes d'sollicitations. - La N.C. de Samedi. |
|
La Gazette vos l'a dit, bouannes gens, Ou z'en êtes avertis en temps, Il est d'fendu en touos les sens: D'solliciter! Si d'belles jannes filles vennent vos d'mander Dans les bazars, d'patroniser Lus toube à bran, - faut l'z'arrêter I sollicitent! Quand nou vos d'mande une souscription Pour une adresse, ou une mission, Allez vos pliaindre à la Station: Nou sollicite! Et les marchands d'guano n'ont pas Le droèt d'nos faithe tant d'embarras Et d'nos d'mander “d'en prendre tchic sacs.” Ch'est sollicitation! Et l's'agents d'asseuthance, dé pus, Avec la langue si bain pendue, Chassez les si veinnent à votre us Solliciter. Et vous, pour vendre vot' Chronique, N'en offrez par hors d'la boutique; Ou la police en cage vos pique - Pour sollicitation! (Et ch'la vos servitha bain).
Elie |
Viyiz étout: