Les Pages Jèrriaises

Compathé coumme du niolîn

Doux coumme du myi,
Sale coumme un quétot,
Mo coumme du navet bouoilli -
Aveugl'ye coumme un frigo.

Maigre coumme un chent d'cliou,
Malade coumme un tchian,
Gras coumme un loup -
Rose coumme un êléphant.

Blianc coumme du lait su,
Bouan coumme lé bouan pain,
Pliat coumme eune mouothue -
Modeste coumme un train.

Rare coumme les bieaux jours,
Toûthé coumme un sorti d'prison,
Vèrt coumme un chour -
Êpeûthé coumme eune télévîsion.

Pliein coumme un oeu,
Rapace coumme un êteurcélet,
Trempé coumme un vraitcheux -
Douteux coumme un tee-corset.

Rouoge coumme un honmard,
Dû coumme du tchui,
Rusé coumme un r'nard -
Fo coumme un supèrmarchi.

Ligi coumme la vannité,
Gros coumme eune bourrique,
Fraid coumme d'la né -
Hardi coumme un râseux êlectrique.

 

Viyiz étout:

 

Les Pages Jèrriaises