Les Pages Jèrriaises

REPONCE


A chu Vingtny naguère de ch'taute paraisse qui baille tant d'sa goule ès Mont-au-Prêtriers.

Sav ous bain man mignon que toute votr' écriture,
Né vos a fai pacé que pour un grand laidure;
Ai biau cou vos créyis un oisé bain malin,
Tou ch'cou zavez contai nés cun fier tas d'niolin.
Je vai ben qu'chés chés qmins qui vos fons tan d'visé.
Ai cou zête enguiantrait pour quou vos les r'gréré,
Ou prêchis qu'les mecieux veule nos bailli des sou,
Pour lus grès des promnades pour alé jenesé iou,
Vere dia pergui mafé, més chesça pal saint mpti,
In nos baront pas d'qui en faire la mainqui:
Oul savez ben etou, jné pas q'faire de vos le dire;
Ce nez pas l'tou que des chours, faout d'la graice à les cuire,
Ait oprès que jnos son tintamarrez la pé,
A faire de chés belles routes pour vous à vos landré;
Ou nos grinnez es dans, manière de jenesé qui;
Les Mont-au-Prêtriers ont oquo pus despri.
Jenesé de qui pâraisse ou zavez lonneu d'être,
Pour éte si engiablet entou chu Mont-au-Prêtre;
Faout q'ché sé d'hez pâraisse la ouillia d'chez gran route
La oui dise qui vont d'niet of huche can non n'vé goute,
Més sachis que pour nous je som à la viel mode;
In nos faout pergui pon tant de maudites sinodes
Nos gran Père se sont servis de nos qmins toute lue vie
Ai jné pon oui palé qui sy sée trébuquis.
Can je quézion du cidre javon soin de l'lamaré
Atou des terpalins quin serait échappé;
Ai cant à chez villés jalon porté du grain,
J'totons bain nos pouques ovun fago détrain.
Ou nos traitez d'Salopes, chnez don pas par la minn;
Ai pis, nonengraice pas pétis cuochons diau finn.
I paret à vos-oui que chez nobles Trintez,
Ont des saulers tro fins pour pilé sur nos grez.
Joui dire lia un mpti brin qui rabillaient lus qmins,
A tou dchu fin gravi qnou mai dans les gardins,
Chonte qui front dla Trintait un espece de Courti:
Jlu badrais en avis pergui dlamurailli:
Car si jalons les vés, jlu gâtrons lus allez.
Si venne dans nos trébules is droqueront sus lus nez;
Ou puto sil avés suppé quik dram de Gin,
I pourrés, diablezé, ptéte sy verqui l'aichine,
Mafé jene voudrais pas ian vée s'y vilanné,
Jirais putos es route un jour ov men trainné.
Sou zaviez teu vote goule sans écrire ditez vers,
Ou zeriez fait quik chose des Mont-au-Prêtriers;
Més d'pis qui vos falé les traité de la manière,
Rouolez parou voudrez avau chez sales Quérières.

**********

 

Viyiz étout:

 

Les Pages Jèrriaises