Les Pages Jèrriaises

Piteur Pain's Patois Letter

Chier Éditeur, - Savous ben que j'cré que Messe Piteur Pain et ses gens ont prins ou perdu. J'ai lu toutes lus lettres qu'ils on êcrit au “Post,” et, ma pathole, je conte que lus plièche est sus un jutcheux! L'idée au vier Piteur de voulé se vaie ov le colyi au Counnétabye! V'la qui l'y f'thait (coumme nou dit en Jerriais) justement coumme eunne selle sus l'dos d'eunne t--e! De grâces! Ergardez be tchêque ou faites car y nos dit qu'il attendet des “motor car” à l'rencontré quand y r'vins du “front” pour tchethié tout sans bernage (qu'il avait raoudé, ou pouvez vos y fié); chest tantchi s'il tait Counnétabye y l'y faoudré des “trolleys” car ou pouvez me crèthe il emportéthé la statue du roy Georges de 'dans l'Square.

J'ermertchi étout qu'à St. Clyément il tait ni biu ni rouoge, mais y voulait nos faithe acréthe qu'il tait “sky-blue”; puorre vier panphèque, il est coumme les “stars and stripes,” un mio picotté.

Je voudrais ben etout que Missis Piteur nos dithait si le fermi lus dounni (à yli et à sa fichu garse) de la (coumme je disons à St. Ou) gâche à picots; j'cré ben qu'oui, sans doute chest la sorte qui lus va l'mus. J'éthais pon d'painne à crèthe qui fûtes au liet pour eunne semaine (au mains) après lus bordée de fort travas pour gagni du ptun pour Piteur; puourre fammes!

Youre truly
Jacques de St. Ou

Evening Post 26/2/1916
 

Viyiz étout:

 

Les Pages Jèrriaises