Les Pages Jèrriaises

La Journée d'Pi

Pouor l's Améthitchains (tch'êcrivent lé mais d'vant la date à tchi qué j'vivons), lé quatorze dé Mar est la Journée d'Pi (π) viyant qu'il'êcrivent 3.14. Et pi est un neunmétho împortant dans l'caltchul: ch'est un neunmétho tchi n'finnit janmais s'nou s'êcanche à l'caltchuler exactément. Mais tout coumme arrondi, pi êgale dans les 3.14. En l'année 2016 l's Améthitchains êcrivent 3.14.16 pouor l'quatorze dé Mar 2016 (14/3/2016) et v'là tch'ajouôte acouo deux chiffres au neunmétho arrondi. Y'a eune pause tchitch'un décidit qu'nou dévthait célébrer l'quatorze dé Mar coumme la Journée d'Pi à seule fîn d'èrconnaître lé caltchul (y'a autrément un tas d'fêtes historiques, littéthaithes et r'ligieûthes dans l'almonnas). Pouor les Jèrriais, aver π pids né s'sait dgéthe conv'nabl'ye!

 

Viyiz étout:

 

Les Pages Jèrriaises