Ou dévthêtes penser d'même qué Jésû l'Christ, à tchi qu'i' n'pathaîssait pon - ouaithe qué li, i' sait d'la manniéthe du vrai Dgieu - qu'i' 'tait d'mêtchi dé s'cramponner à eune èrsembliance au Bouôn Dgieu. Mais i' s'griyit en un rein, en prannant la manniéthe d'un sèrveux, en l'èrsembliance d'un houmme. Et coumme nou l'viyait dans la manniéthe d'un houmme, i' 'tait humbl'ye dé rang, et s'laîssit êt' mîns à mort, même à la mort sus la crouaix. Et v'là pouortchi qu'lé Bouôn Dgieu l'a jutchi ès pus hauts lieux et lî'a bailli l'nom tch'est pus grand qu'touos les noms, à seule fîn qu'au nom d'Jésû touos les cheins dans les cieux, et sus la tèrre et souos la tèrre, faîchent eune révéthence, et qu'toutes les langues têmouongnent qué Jésû Christ est l'Seigneu, à la glouaithe dé Dgieu l'Péthe.
Viyiz étout: