|
Les Gris Ventres |
Les St. Ouënnais |
|
|
Lé pus connus des mênoms pouor les cheins d'châque Pâraîsse est l'mênom "Gris Ventres" pouor les St. Ouënnais. Quand la puspart d's hoummes portait des corsets d'oeuvre, dans l's aut's Pâraîsses i' portaient des blius corsets mais à St. Ouën et pus partitchuliéthement, sembl'ye-t-i', ès Landes, lus corsets n'taient pon couleuthés. Lus couleu 'tait natuthelle. Don nou pouvait distîndgi un St. Ouënnais par la couleu d'san corset et nou l'mênommait un Gris Ventre. |
|
|
|
| Les Carpéleuses |
Les St. Bréladais |
|
|
Nou dit qu'les St. Bréladais sont mênommés les carpéleuses pa'ce qué nou dit pouor rithe qué l'êtchusson d'la Pâraîsse - un paîsson en argent - èrsembl'ye à eune carpéleuse. |
|
|
|
| Les Nièrs Tchus |
Les St. Jeannais |
|
|
|
| L's Enfuntchis |
Les St. Cliémentais et les Grouvillais |
|
|
Dans ches Pâraîsses aut'fais la brûl'lie du vrai 'tait eune activité hardi înmportante pouor l'économie des habitants là-bas. Y'avait des veillottes partout et quand nou les brûlait toute la Pâraîsse 'tait enfuntchie. Nou dit qu'la feunmée t'nait ès Grouvillais et ès St. Cliémentais quand il allaient ès aut's Pâraîsses et qu'nou pouôrrait distîndgi ches gens-là par l'odeu d'la feunmée. Les cheins tchi disent qu'l'aut' sîngnificâtion du mot "enfuntchi" - ch'est à dithe "niais" - est la vraie raîson sont tout probabliément des troubl'ye-fête.
|
|
|
|
| Les Nordgiens |
Les St. Jeannais, les Trinn'tais et les St. Martinnais |
|
|
Bein seu, ché sont les Pâraîsses du Nord d'l'Île. |
|
|
|
| Les Ventres à baînis |
Les St. Pièrrais |
|
|
Ch'est p't-êt' l'avantage d'êt' la seule Pâraîsse auve deux côtes, même si les côtes sont p'tites, tch'a donné chu mênom ès habitants d'St. Pièrre. |
|
|
|
|
Les Rouôlots Les Bourdélots |
Les Ste. Mathiais |
|
|
Ch'est pôssibl'ye qu'les Ste. Mathiais 'taient r'nommés pouor lus bourdélots temps pâssé. I' n'ont pon gardé lus réputâtion coumme couques jusqu'au jour d'aniet, et nou n'peut pon compather les tchuîsinnes des Pâraîsses aniet. |
|
|
|
| Les Clyichards |
Les Villais |
|
|
Aut'fais, et sustout au dgiêx-neuvième siècl'ye, la sanitâtion et l's êgouts en Ville n'taient pon dé bein haute qualité. Y'avait d's épidémies rédguliéthes et les campangnards disaient qu'la santé des Villais 'tait mauvaise et qu'i' 'tait hardi dangétheux d'baithe l'ieau en Ville. Les Villais 'taient ainchîn mênommés des clyichards. |
|
|
|
|
|
Les St. Louothachais et les St. Saûveurais n'ont pon d'mênom, sembl'ye-t-i'. |
Viyiz étout: