Les Pages Jèrriaises

Occuo "Deux Mots"


Allons, rimeurs dé la patrie
Lé temps d'escrire est arrivé!
Envions vite à l'Imprim'rie
Contes, ou chansons, ou sounnet;
Pour qu'en ville et en campagne
Nou' s'entende des ha! ha! has!
Qué tout le monde ait bein du "fun"
En lyisant not' Almanâh...
Nos plieummes, escrivains!
Nos plieummes, ou nos crayons!
Rimons, rimons, d'un patois pur
Couvrons touos nos feuill'tons!

J.D.R.

Nouvelle Chronique de Jersey 23/10/1901

 

Acouo eune vèrsion:

 

Deux mots pour l'Almânâh dé 1902

Air "La Marseillaise"

Allons rimeurs dé la patrie
Lé temps d'èscrire est arrivè!
Envions vite à l'Imprim'rie
Contes, chansons, ou sonnèt,
Pour qu'en ville coumme en câmpagne
N'ou s'entende des hâ! ha! hâs!
Qué tout lé monde ait bein du "fun"
En lyièsant not' Almanâh!

Nos plieummes, escrivains!
Nos plieummes, ou nos crayons!
Rimons, rimons, d'un pâtouès pur
Couvrons touôs nos feuill'tons!

JP
 

Viyiz étout:

 

Les Pages Jèrriaises