|
Qu'est qui rempllaich'cha le fripon? Sera-che un connêtablle? Pour de me je n'm'en gêne pon, Mais qu'il en sait capablle. I' nouos faudrait un avocat, Mais lequè s'sait si bête Que de se laissir pllaichir là; Pour li ch'ne s'sait pas fête. Nou dit qu'pour soulagi les maux Qui-afflliqent l'île entqiere, L'brave député des Camps-Raux Prendrait bein la batqiere. I' faut li en saver bouan grè Car i' nouos fait connaitre D'un vier Jerriais la volontè D'agir non de paraitre Autfais les prumiers du pays Ambitionnaient la pllaiche; Mais de nos jours, - ch'est grand pitqi, - Ah! pas iun ne la traiche. Qu'est qui s'sa l'nouviau magistrat? En vain je me l'demande: Sâchiz d'trouver un candidat Qui de tous l'respec cmande. PL 16/5/1873 |
Viyiz étout: