Les Pages Jèrriaises

Un Mariage


Sonnez la pêle et les bachins!
Ne v'la que nou marie
La jeane fille à soixante chinc;
Riez donc, je vouos en prie.
Helas! helas le puôr vier dos
N'est pas au but d'sa peine,
I' ne f'ra pas de bein viers os,
Vite i' s'ra hors d'haleine.

Nou-z a biau dviser et s'moquir,
Dire ch'est une attrape;
Ch'est inutile de prêchir
Le pus malin se hape:
Ch'est êtonnant que l'cotillon
Ait un' telle piessance,
Contre l'cotillon qu'la raison
N'ait pas la moindre chance.

 

P.L.

 

Viyiz étout:

 

Les Pages Jèrriaises