Les Pages Jèrriaises

Man viage

Jé m'en fus en Italie
Pouor mangi des spaghettis;
Ou pouvez craithe chein qué j'dis:
J'aim'thais mus du podîn d'riz!

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!


Jé m'en fus en Angliétèrre
Pouor marchi dans mes soulièrs;
Jé n'pouvais pon craithe mes ièrs -
Mes pouôrres pids 'taient dév'nus vèrts!

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!


Jé m'en fus au Cannada
Pouor happer un orîngna;
L'orîngna mé dit tout bas:
Ch'est eune drôle d'idée qué chenna!

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!


Jé m'en fus en Australie
Pouor chèrgi eune moûque à myi;
J'la trouvis dans eune bouais'sie,
Mais un kangarou mé vit.

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!

Jé m'en fus au Portûnga
Pouor mé faithe un êpeûthas;
Habilyi en pyjamas,
I' s'en va faithe rithe les cats!

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!

Jé m'en fus en Améthique
Pouor acater eune héthique.
Ch'est la fîn dé la musique -
All'ous-en don au Vièr Nique!

Ha, ha, ha! Mémèe mé dit:
Né va pon à l'êtrangi!
Ha, ha, ha! Pépèe mé dit:
Tu dai rester en Jèrri!

 

Ch'est eune vèrsion Jèrriaise d'la chanson Men viage dé d'ssus lé CD Caunchounettes normandes à Magène. Texte originna en Nouormand par Marcel Dalarun.

 

Viyiz étout:

 

Les Pages Jèrriaises