|
J'ai un ségret dans not' gardîn, Dans la bordeuse, auve flieurs si belles I' y'a eune toute pétite souothis Bein muchie souos eune grand' ronde fielle. Sa coue est longue et hardi finne Et sa câsaque est courte et grise Mais chein qué j'aime lé mus dé tout Ch'est ses touos p'tits bruns ièrs qui r'lisent. Il faut qué j'la garde en ségret, Car la Minnette, not' grand' vielle catte, Itha tout d'suite pour l'attraper, Auvec ieune dé ses grand' blianches pattes! J'ai muchi san creux hardi bein Auve un tas d'fielles qu'i' y'avait d'bas! D'même, bouannes gens, gardez man ségret, Et sus toutes choses, n'en pâlez pas! H.A.B.
|
Viyiz étout: