Les Pages Jèrriaises

Lizzie Borden




La Lîzabé gaffit eune hache
Et, à sa méthe, baillit vîngt slaches.
Et viyant chein qu'oulle avait fait,
Oulle en donnit vîngt-tch'ieune à P'pée.



Lizzie Borden 'tait eune Améthitchaine dé 32 ans tchi fut atchûsée en 1892 d'aver tué ses pathents auve eune hache. Ouaithe qu'ou fûsse trouvée non coupabl'ye, lé publyi continnuait d'la considéther eune meurtriéthe.

Pèrsonne né fut janmais identifié coumme ayant tué les Bordens.

La p'tite arrînmée fanmeuse en Angliais tchi nos ramémouaithe chu cas raconte qu'ou donnit quarante et quarante-tch'iun cos à ses pathents. Nou-fait, i'n'y'avait qu'eune trentaine dé cos en totale pouor la tueûthie - et l'Sieur Borden avait r'chu mains d'bliesseûthes qu'sa bouonnefemme.

Né v'chîn deux vèrsions d'l'arrînmée en Jèrriais - la deuxième est pus en accord auve lé r'cord médical!



La Lîzabé gaffit eune hache,
Baillit à sa M'mée dgiêx-neu slaches;
Viyant chenna, r'prînt san hachot,
À P'pee en donnit onze acouo.
 

Viyiz étout:

 

Les Pages Jèrriaises