Les Pages Jèrriaises

Les Pas

Eune niet, un homme rêvit qui 'tait à marchi le long d'la grève avec lé Seigneur.

À travers du ciel il aperchut d's êpars montrant des visions dé sa vie et pour châque vision i' print d'avis tchi y avait les pas dé deux personnes dans l'sablion, ses pas a li-même et l'autres appartchenaient au Seigneur.

Quand i' vit la dernièthe scène dé la vision, i' s'touoni à r'garder les pas là dans l'sablion et i' s'aperchut qué, bein des fais lé long du c'min dé sa vie, i' n'y avait qué les pas d'un homme et qué chennechîn s'tait arrivé ès moments les pus bas et les pus tristes dé toute sa vie.

 

la grève

 

Chenne-chîn l'troubliait et i' tchestchonni son Sauveur: "Seigneur, Ou m'avez dit qu'eune fais qué j'avais décidé dé Vos suivre, Ous alliez marchi auve mé tout l' long du c'min dé ma vie. Mais jé m'sis apèrchus qué durant les moments les pus troubliés, i' n'y a qué les pas d'eune pèrsonne dans l' sablion. Jé n'comprends pas pourtchi, quand j'avais lé pus besoin d'Vous, Ou m'avez laîssi tout seu".

"Ah," réponnit son Maître "M'n êfant précieux, tu sais qué jé t'aime et qué jé n' 'té laîsserais janmais. Au temps dé tes peines et dé tes souffrances, quand tu n'as veu qué les pas d'un homme, èrgarde, ch'est Mes pas qué tu vai et j'tait qui t'portait!!!

Anon

 

Viyiz étout:

 

Les Pages Jèrriaises