Les Pages Jèrriaises

Reflexions d'un inouorant

Entre deux sieges le cul à terre,
Chonna s'est veu pus d'une fais;
Drainement un homme de guerre
A chouaisi un sabre de bouais;
Bein malgrè li, car le pouor guiablle
Agissait bein à contrecoeu;
I' s'était creu fort comme un cablle
Ou comme un capeste tout neu:
I' s'était creu un divers homme,
Avait cmandè un régiment;
L'espérance fut un doux somme
Le rêveeil un affreux torment.

PL
29/1/1873

 

Viyiz étout:

 

Les Pages Jèrriaises