Tch'est qu'est un haiku? Ch'est un p'tit poème Japonnais auve trais lîngnes. La preunmié lîngne dait cont'nîn chîn syllabes, la deuxième - sept, et la dèrnié lîngne dait aver chîn syllabes. Nou peut aîsiment caltchuler don qu'lé poème entchi n'a qu'dgiêx-sept syllabes. Y'a eune aut' règl'ye étout - i' dait y'aver un mot d'saîson - tchique pathole pouor înditchi l'heuthe ou l'mais, lé temps tch'i' fait ou tchique chose coumme chenna.
Né v'chîn tchiques haikus:
|
Lé neu jaune moto est l'seul partchi d'vant l'bâtisse. Fait-i' eune arsion!
Assis sus les d'grès, lé brit d'la machinn'nie au liain, Man Doue, fait-i' pouffre!
À côté d'un vêpre mort dans l'solé sus les d'grés, j'êcris des haikus.
En montant lé d'gré, J'vis l'blianc craîssant par la f'nêt' - Eune caude bliue séthée.
Lé vrai fliotte dans l'ieau, Mes ortés fraids dans la mé Et mes g'veux dans l'vent.
Lé solé et l'vent - et né v'là touos mes créyons parmi les mèrgots.
I' m'èrgardent dé liain, neu vaques à l'abri du geon. J'dessinne la pouquelaye.
Mes deux pônchets g'lés. Les grises crouaix et roses muthâles Allant amont l'mont.
Eune mathée d'octobre Couvrit l'gris sablion mouoilli - J'y laîssînmes nos pas.
Fait-i' eune arsion!
L'avant au brancage
Des vaques tchuthieuses
Hors l'supèrmarchi
Trop caud à ces sé
Dans l'solé nou vait
Un p'tit couothant d'air,
Deux'trais rouoges tonmates,
Par la f'nêt' ouvèrte:
Auve la sueu sus l'front
J'laîsse la porte ouvèrte.
Amont la p'tite rue,
Les critchets chantaient.
Hors la vielle églyise,
Dans l'solé et l'vent
La vèrte hèrbe et l'vent,
Un hâthîn d'êté:
Les raides roses rotchièrs
Dans la douoche nièrcheu
Nou-s-êtampe les pommes.
|
Pouv'-ous êcrithe un haiku en Jèrriais?
Viyiz étout: