Quand je-n'sis pas en travaillant,
J'ai trejous un drôle de penchant;
Ches't d'êcrithe de la poésie.
A une couozène, où eunne amie.

Je-n'vos dithai pas san nom,
Car j'sait bein qu'ou n'laimthait pon,
San nom finîts par e. t. et,
Et chnes't ni Monet ni Bonnet.

Comme les p'tits êfants dishaîent,
Tout d'même le dernyi est bien prêt;
Comme quand y joue à Caffot,
Y crient, tu brûle, tu brûle Margot.

Mais achteu y n'ia pas d'êfants,
Ils en savent bien pus q'lus pathens;
Y n'veulent pas même être enseignis,

Y craiêt qui le faithe yieux même,
C'hest vrai, vos en conté eunne scène;
Et chest d'un tout p'tit garçon,
Je n'peux pas vos dithe san nom.

Mais y tet comme tout l'restant,
Y s'criyiet diversément grand;
Y s'êmêncipit la prémiethe fais,
D'êprouvé a mettre ses braies.

Et bein, y les mins à sa mode,
Et les trouvit bein eincmode;
Sa mêthe vet qu'il à mantchyi,
Et où va ergardé pour li.

Où r'garde pardessus la haie
Ou'l aperchut ses pétites braies
Mais où n'savait pas si s'nallêt
Où bein si chest qui r'vénet

Y n'les avait pas minze bein
Ah! chu puour pétit chrêtien
Et y n'pouvaît pas s'asièthe
Pas même quand y fallait iêthe

Y n'les mins pas du buoun bord
Chest là qu'il avêt yieu tort
Si sa mêthe avêt té là
Ou l'aithet ermiédgi chonna

J'en connaissais un pus grand
Il avet au d'sus d'trente ans
Y d'meûthet tout près d'Hitchet
Et un jour y tet tout ênervet

Et bein y fit comme le p'tit garçon
Y n'pouvet pas trouvé un bouton
Y criyitdu haout des d'grées
Véten bein vîte ma puoure mêmée

La bouanne femme toute êfrittée
Couort bein vîte à mont les d'grées
Tout d'suite où yiaide à les r'tuonné
Et vite où breingit s'en chappé

Mais y n'faut pas s'en êtonné
J'tet l'jour qui s'en allé s'mathié
Y r'graitet d'tquittai sa mêmée
Car y n'avet pas d'pêpée

Y n'tet pas si dêhallet
Comme les êfants sont enniet
Tchique fait quand y m'a pâslet
Y dév'net tout ênervet

J'iai bein penset à chu puour corps
Y têt tréjous à s'tuoné d'bord
Y n'savet pas par iou allai
Et y n'pouvait pas les hallai

Toutes les fais qui s'ergardet
Y criyiet qu' chest qui r'touennet
Y vînt quâsi dêrangi
Car y têt temps d'avanchi

Y n'sait set pas êcappet
Comme le p'tit qu'jvos ai pâlet
Le p'tit d'viers dueux ans.
Et l'aoutre presque quarante ans.

Il êfritit sa puoure mêmée
Et ou'l en'tet toute êtonnée
Car où yiavet bein môtret
Au qu'manchement qu'il en mêttet

Yia pas d'soin mes puoures êfant
Nou n' est jamais trop savants
Prênées trejous bein avis
Comme est qu'ou vos habillyi

Mais y n'faut pas s'en motchyi
Voaut mus en avé pitchyi
Et être bein erconnaissant
Qui nos en arrive pas autant.

GEORGIE.