Les Pages Jèrriaises

L'êtchutheu

Un êtchutheu clyiquez pouor ouï les mots (en Latîn: Sciurus vulgaris) est un annima à rouoge pé et longue coue pliutcheuse tchi d'meuthe dans les bouaîs'sies d'l'Ûrâsie. Ch'est un mammiféthe d'la fanmil'ye des grugeurs.

L's êtchutheurs sont raides pouor couoyer en muchant des nouaix à seule fîn d'en aver un stôrre pouor l'Hivé. L'êtchutheu est don s'lon la couôteunme un symbole d'êpaîngne, par exempl'ye dans des logos et d's annonches des banques d'êpaîngne.

Un gris êtchutheu (en Latîn: Sciurus carolinensis) est un difféthent annima tch'a du gris pé tchi veint d'l'Améthique du Nord. D'vièrs lé c'menchement du 20e siècl'ye, ch't annima fut abanonné en Angliétèrre et en Afrique du Sud. La bête a 'té r'lâchie en Italie étout. I' sembl'ye qu'lé gris êtchutheu dangèle lé rouoge car ch'est un mio pus grand et prend l'mangi ès rouoges. Lé gris a rempliaichi l'rouoge dans bein des bouaîs'sies en Angliétèrre en en Galles.

 

Viyiz étout:

 

Les Pages Jèrriaises