|
Denys Corbet, ten complliment M'a touchi agréabllement, Et je t'en remercie: Du sage attirer l'attention, D'en mériter l'approbation, Vraiment je me soucie. I' peut exister des bigots, Je les r'garde comme des sots, Qui blliâment not' criyanche: Sans vouler lus faire aucun tort, Je ne vei pon que lus comport L'honnêteté avanche. J'ai entendu pus d'une fais, Dire et r'dire à un vier Jerriais D'humeur assez maline, Que si non veit un tou bein joué, Ch'est un......... qui l'aira fait, La r'merque est juste et fine. La reglle d'or, tu l'as écrit, Est le c'mand'ment de Jesus Christ La religion suprême: De chein qui voudra l'observer, D'aimer, se f'ra trejous un d'ver, Sen prechain comme se même. P.L. Millbrook, Jersey, ce 27 Février 1875 La Gazette Officielle de Guernesey 6/3/1875 |
Viyiz étout: