L'ouaîsé du Colorado
Mange du myi et des bourdélots,
Du chocolat et des mandarines,
Des dragées et des nougatines,
Des frambouaises et des gros doudoux.
Dé la gliaiche et des pais au fou.
L'ouaîsé du Colorado
Bait d'la champangne et du sirop
Des belles rouoges frâses et du lait d' pihangne
Du jus d' baînis glacé, en canne
Du sang d' pêche et dé navet,
Whiskey, menthe, café au lait.
L'ouaîsé du Colorado
Dans san grand liet fait un p'tit dodo
Et pis, i' s'envole dans les nouages
Pouor èrgarder les bieaux images
I' s'en va jouer un p'tit moment
Auvec la plyie et lé bieau temps!
L'ouaîsé du Colorado - eune drôle dé bête,
J' crais qu'il a pèrdu la tête!
SP
|
