|
Chès bouans chucrins dé Guèrnésy, Ah, lé bein qu'y font au pouôre gôsi, Quand n'ou z'est un p'tit mio asthmatique; Mais pour en aver dé forts (ch'est ma femme qui l'dit) Allèz à St. Pierre-Port, et à la boutique Tchi s'trouve au haût d'la Rue du Marchi. Yièn a dé chès chucrins dé Guèrnésy Qu'ont lé goût dé limon - goût-d'er-vas-y, Mais les cheins qué la bouannfemme aime hardi Ch'est les peupèrrmeintes - ch'est les pus gros, Et oull' en chuche yieun dévant s'couôchi. Si oull' aime les chucrins dé Guèrnésy, Faût pon qué j'la bliaûme - jé sis coumme l'yi, Mais jé vos l'asseûre qu'oull' a grand peux Quand j'prends la "tin" pour y pêtchi Qu'à la plièche dé yieun jé n'en happe deux, Et qué d'vant longtemps tout s'rait mangi! Eh bein, pour ses chucrins dé Guèrnésy Oull' a don prins la malice dé les muchi, Dans tchique racoin la "tin" est bein sèrrée, Ch'est a saver y'iou - j'n'irai pon la cherchi: J'en ai t'y pon des meins? oui, unn' bouann' tinnée, Et des "Extra Strong" étout - des cheins d'Jèrri!! JP 1906 |
Viyiz étout: