Estche vrai qué iun d'nos grands dignitaires érait gangni la coupe au dernié show avec une paire qui bzait chinq livres et très quartons, si un minsérable rêté n'lavait pas mangie?
Estche vrai qué lé gouvernément a d'mandèt à iun d'nos crack régiments d'milice d'allé d'fendre Weymûe en cas d'invasion, par ce qué ses soudards séraient trop exposès si restaient la?
Estche vrai qué l'Roué d'Sibérie garde un grand docteu Français exprès pour empêchi les fermièrs dé faire lé beurre, quand lûs ésfants ont la toux on la véreule, a meins qui n'promettent fiabiément d'lenvié tout en Jerri?
Estche vrai qué iun d'nos connêtables a attrapèt chinq taupes d'un coup dans la même trappe?
Estche vrai qué l'puore Hibou a tait èssterminèt?
1910
Viyiz étout: