Chutte semaine, garçons, y disent qui faut que j'taise ma bec faute d'espace. J'avais pourtant unne belle petite histouèthe à vous raconter, mais j's'ra pour Samedi tchi vein.
En attendant, n'v'chin la premièthe liste de réclamations r'chue, par la faute du balloc qu'avait pendu le fouannio de ma famille au sign-post.
Ferme du Snichon
Pâraisse de St. Jude,
A Moussieu l'Editeu d'la Chronique.
Moussieu. - Ayant ouï qu'ou êtes prêt à entretenir les réclamations des personnes qu'ont souffert des dommages causées par les actions illégales de votre "Caouan", j'ai l'honneur de vos envier ci-inclus man p'tit compte, et je me fie sus vous pour le réglier dans l'couothant l'la semaine.
Agréez, etc.,
| sa |
||
| Barnabas | X | Potichon |
| merque |
| £ | s. | d. | |
| La nièt du 30 Oct. - Pour aver gâtai unne pêlaie d'nier beurre en abattant unne chivethaie d'sie en grapinant ammont la chimenaie..... | 1 | 5 | 0 |
| Idem du 4 Nov. - Pour aver crottai sus un portrait d'la Bataille de Jerri, sus tchi qui s'était jutchi..... | 0 | 10 | 0 |
| Id. Id. - Pour aver bûchi quatre vases sus l'ais-du-foyi dans not' parleux, quand j'lé chassîmes ..... | 1 | 0 | 0 |
| Le 8 Nov. - Pour aver entrai dans l'êtable et fait peux à la servante ..... | 1 | 0 | 0 |
| Id. Id. - Pour aver fait un viau du "Golden Noble" s'estranghyi. | 10 | 0 | 0 |
| 22 Nov. - Frais d'Hopita pour la susdite servante ..... | 2 | 16 | 8 |
| Pour aver dit dans vot' Gâzette que j'étais un viau, et que j'aimais mus le "White Horse" que l'lait cailli ..... | 25 | 0 | 0 |
| --------------------- | |||
| Total ......... | 41 | 11 | 8 |
Viyiz étout: