|
Bouannes gens d'en par ouest qu'j'en sommes? Le monde parait chein d'sus d'sous. Helas! Helas! Qu'est ch'est que l's hommes! Tout est à la merci des loups. Ch'n'est que chicane et fripon'nie; Personne n'est pus en seurtè, Partout r'nonchations, vilainie; Nou n'avait jamais veu d'itè. J'ai entendu paler de Rome; D'ses vices, crimes et cet'ra; La ville est un propre Sodome Que le feu du ciel dêtruira. Le pière est qu'nou n'y peut rein faire! Che n'est pus comme l'temps passè; L'chein qui dait montrer la lumiere Est l'chein qui pisse dans l'crasset.
P.L. |
Viyiz étout: