|
Ch'est bein vrai, i' n'y a pas d'éfans, Rgardez le ptit… Il a bein seize ou diex-sept ans, Et i' sort de l'école. I' sait quiqs petit miot d'anglais, Et i' machacre le jerriais Parfais Oh! Oh! Oh! Oh! Ah! Ah! Ah! Ah! Le biau p'tit ajitant qu'y fera; La, la. Les uns disent ch'est un fouoreux; Est che là de qui dire? I' n'est ni fouoreux ni morveux Et chonna dait suffire. I' peut faire une soustraction, A 'té jusqu'à la division, Dit-non. Oh! Oh! Oh! Oh! Ah! Ah! Ah! Ah! Le biau p'tit agitant qu'i fra. La, la. En viyant un ité blanc bec, Lus cmander l'exercice, Les hommes saisis de respec, En faisant lus service, Diront qui pour petit ragot, Qu'il écrelo, l'failli digot Que v'lo. Oh! Oh! Oh! Oh! Ah! Ah! Ah! Ah! Le biau ptit agitant qu'i fra. La, la.
P.L. |
Viyiz étout: