Les Pages Jèrriaises


Un Acrostiche



(Puzzle: Find the Judge.)

 


Philippe Baudains n'en voulait pon,
Hélas, pourtant, ch'en s'sait un bon,
I s'sait l'égal du pus savant,
L'vier Avocat qu'jestimons tant,
I counnaît nos us et nos loées,
Papa Baudains, le vièr Jerriais!

Avec sa tête ès g'veux touos bliancs
Une belle rouoge robe éthait pathu
Bain à propos - Eche pas bouannes gens?
I n'a pourtant jamais voulu
Nouos servi d'Juge, chu vièr têtu!

Douar Voêzin nouos fait la même chose:
Erfuse net, pour jé n'sé tchi cause!

Siez l'Pierre Guiton, même embarras,
Un autre capab'ye qui n'en veurt pas!
Nou s'a té vais jusqu'à Saint Où:
Nannin! d'Avergne erfuse ètou!
Y en a tout plien tchi n'en veulent rein,
Seul'ment oùest qu'est l'sien qui veurt bain?
Il est trouvé! C'est un Trin'tais;
D'vinez sans nom. J'vos l'mets souos l'ziers.
Ergardez bain l'qu'mench'ment d'mes vers!


Elie


 

(Acrostiche: Philip Aubin dé Sunnyside)

 

Viyiz étout:

 

Les Pages Jèrriaises