Les Pages Jèrriaises

La Deuxième Êpitre à Timothée

Chapitre 2, vèrsets 3-7

Griy'-ous pouor vos pâsser des bouonnes choses d'la vie, coumme iun des soudards d'Jésû l'Onguenné. N'y'a pon d'soudard tchi s'enhèrmele dans l'train d'la vie; ch'est qu'i' pliaît au chein tchi l'a enrouôlé. Et pouor un houmme dé sport, ch'tî-chîn n'èrchévtha pon l'louothi s'i' n'respecte pon les règl'yes d'la gamme. Et ch'est du fèrre-pliaie qu'lé labouotheu r'chait les preunmié frits d'l'avoût. Pensez bein à chein qué j'dis; car l'seigneu té f'tha comprendre tout chennechîn.

 

Chapitre 2, vèrsets 10-11


J'ai tout suffâtchi pouor l'amour des chouaîsis à seule fîn qu'i' piêssent, ieux étout, r'chéver l'salut tch'est en Jésû l'Onguenné auve la glouaithe êtèrnelle. Et chennechîn est seux et seûthetabl'ye: si j'meuthons acanté li, j'viv'thons étout acanté li.

 

Chapitre 2, vèrset 20

Ch'est en tchi dans eune grande maîson n'y'a pon raîque des vaissieaux en or et en argent mais y'en a étout en bouais et en pot'tie, l's iuns pouor les fricots et l's aut's pouor les r'pas dé touos les jours.

 

Chapitre 2, vèrset 24

Un sèrviteur du Bouon Dgieu né dait janmais hèrtchingni. I' dait être poli à tous, dé bouon caractéthe et pâcient.

 

Chapitre 4, vèrset 7

J'ai 'té un freûleux dans la bouonne bastaude; j'ai aveint la fîn d'la course; j'ai gardé la fouai.
 

Chapitre 4, vèrset 11

Raîque Luc est acanté mé. Va qu'si Mar et ramène-lé acanté té car i' peut m'aîdgi dans man travas.
 

Viyiz étout:

 

Les Pages Jèrriaises