Les Pages Jèrriaises

La Deuxième Êpitre dé Pièrre

Chapitre 1, vèrsets 16-18

Ch'est en tchi quand j'vos racontînmes lé pouvé et la v'nue d'not' Seigneu Jésû Chri, ché n'tait pon des faithe-accraithes qué j'conte-pétêmes mais ch'tait qué j'têmes des têmouains d'sa glouaithe. Car Dgieu l'Péthe lî baillit l'honneu et la glouaithe quand chutte vouaix-là s'dêhalit d'la grande glouaithe pouor dithe: "Ch'tî-chîn est man Fis, l'bein-aimé, tch'est tout man pliaîsi." J'l'ouînmes, nous, chutte vouaix du ciel quandi qué j'têmes acanté li sus l'saint mont.

 

Chapitre 2, vèrset 17

Ches-chîn sont des fontaines sans ieau et d'la bliâse emportée par la tempête dé tchi la destinnée s'sa la nièrcheu êtèrnelle.
 

Chapitre 2, vèrset 22

Mais i' s'adonne coumme lé diton nos dit: l'tchian r'veint à san vômi et la trie lavée à la vouaûtréthie.
 

Chapitre 3, vèrset 10

Mais l'jour du Seigneu veindra coumme un voleux, et chu jour-là les cieux s'sont boulés auve un pataflias, et l's êléments d'la tèrre lus dêpens'sont dans eune brûl'lie, et la tèrre et tout chein qu'i' y'a là-d'dans s'sont brûlés.
 

Viyiz étout:

 

Les Pages Jèrriaises