Viyiz tchil amour qué l'Péthe nos a bailli pour qué j'séyons app'lés l's êfants du Bouôn Dgieu. V'là pouortchi l'monde né nos connaît pon à cause qu'i' n'l'a pon connu. Mes chièrs, j'sommes achteu d's êfants du Bouôn Dgieu mais chein qué j' s'sons n'est pon acouo v'nu et j'savons qué quand i' s'sa v'nu j'lî r'sembliéthons car j'lé vèrrons coumme il est. Et l'chein qu'a ch't' attente-là sus li s'puthifie coumme il est lî-même puthifié. Lé chein tchi fait ma va contre la louai et la mauvaîtchi est chein tch'est contre la louai. Et ou savez qu'il est v'nu pouor haler not' mauvaîtchi et n'y'avait pon d'ma en li. Lé chein tchi d'meuthe en li n'fait pon d'ma, mais l'chein tchi fait ma n'la pon veu ni n'lé connaît pon. Mes p'tits êfants, qu'autchuns n'vos embliûtent pon. Lé chein tchi juge bein est juste coumme il est juste
 

Lé chein tchi fait ma est du Dgiâbl'ye car lé Dgiâbl'ye a tréjous fait ma. Et l'fis d'Dgieu est v'nu pouor mettre à bas l'travas du Dgiâbl'ye. Lé chein tch'est né d'Dgieu n'fait pon d'ma car la s'menche dé Dgieu est dans li et i' n'peut pon faithe ma car il est né d'Dgieu. Par chennechîn l's êfants d'Dgieu sont counnus et l's êfants du dgiâbl'ye étout; lé chein tchi n'fait pon justice et tchi n'aime pon san fréthe n'est pon d'Dgieu. Car ch'est ichîn chein qu'ous avez ouï prêchi d'pis lé c'menchement et ch'est d's'entre'-aimer l'iun et l'aut'. Mais pon coumme Caïn tchi 'tait du Dgiâbl'ye et tchi tuit san fréthe. Et pouortchi qu'i' l'tuit? Par cause qué san travas 'tait mauvais et qu'lé chein d'san fréthe 'tait juste. Mes fréthes, né séyiz pon ravis si l'monde vos déteste; jé savons qu'j'avons pâssé d'la mort à la vie par cause qué j'aimons nos fréthes; lé chein tchi n'aime pon san fréthe reste dans la mort.
 

Né v'chin comme tchi qu'nou r'connaît les êfants du Bouon Dgieu d'auve les cheins du malin. Lé chein tchi n'fait pas ch'qu'est juste ni tchi n'aime pas san fréthe n'est pon un êfant du Bouon Dgieu.

 

Lé chein tchi n'aime pon san fréthe est comme s'il 'tait mort. Quand j'aimons nouos fréthes jé savons qué j'sommes passés d'la mort à la vie.

 

J'avons connu chein tch'est l'amour, ch'est qu'Jésû Chri donnit sa vie pouor nous - et j'dévthons donner nos vies pouor nos fréthes.
Comment qu'l'amour dé Dgieu peut d'meuther dans tchitchun tch'a les beins du monde et tchi vait san fréthe ou sa soeu tch'a bésoin mais tchi r'fuse d'li'aîdgi?
 

Si tchitch'un possède gentiment du bein d'chu monde et laisse san fréthe dans l'bésoin, comme tchi qu'i' peut aver l'amour du Bouon Dgieu?
Mes p'tits êfants, n'aimons pas seulement rein qu'dé patholes et dé d'vis, mais aimons par actions et en véthité.
 

Mes êfants, jé d'vons aimer: pas atout des patholes et des discours, mais par des actes et en véthité.

En agissant aînchîn, j'saithons qué j'apparténons à la véthité, et d'vant l'Bouôn Dgieu j'éthons lé tchoeu en paix;

Notre tchoeu éthait bieau nouos atchuser, lé Bouôn Dgieu est pus grand qué nouot' tchoeu, et i' connaît toutes choses.

Mes bein-aimés, si nouot' tchoeu né nouos atchuse pas, jé nouos t'nons auve asseûthance dévant l' Bouôn Dgieu,

Et tout chein qué j'lî d'mandons, i' nouos l'accorde, pa'ce qué jé sommes fidèles à ses c'mandements, et qué j'faîsons chein tchi lî pliaît.

Et don, ev'chîn san c'mandement: aver fouai en san Fis Jésû Chri, et s'entr'aimer les uns les autres comme i' nouos l'a dit d'faithe.

Et l'chein tch'est fidèle à ses c'mandements démeuthe en l'Bouôn Dgieu, et l'Bouôn Dgieu en li; et j'èrconnaîssons tch'i' d'meuthe en nous, car i' nouos a donné s'n Esprit.