|
Aut'fais j'avion' l'église L'ecole, et la pratiqu', Et l'colèg', ouès qu'i disent Qu'je' n'faisions rain qu'des triqu's. Les Dinmanch' la r'levaie Nou passait à chanté, Et l'long des matinnaies Dans l's yiers nou se r'gardait. Quand dans la gran' gall'lie Quiqu' bell' seraie d'étai, Les hardell's 'taient juquies, Qui fun que ch'la m'a fait! Nou s'faisait les doux yeux - Nou' n'y sentait qu' chucrins, - Ma fé, je sis bain d'seux Que nou m'y a fait des clins! Mais las! tout est changi! Not' bouon temps est passai! L'eglise est l'co-souos-l'yi Cré-mai s'tu veur, valet. Pas d'grimach' nou' n'ose fair' Pas d'somm's dans nos viers bancs. Ah! qui 'l'état d'minsère! Dait-i durer longtemps! |
Viyiz étout: