Lé Preunmyi Minnistre, Tony Blair, 'tait à payi visite à eune êcole au Sud dé l'Angliéterre et i' fut invité d'visiter ieune des clâsses. La maitrêsse expliytchi qu'i' 'taient à distchutter la singnificâtion dé plusieurs mots et ou d'mandi à Tony si voulait suggéther eune ex- empl'ye pour les êfants.

Lé fanmeux Preunmyi Minnistre d'mandit ès êleves dé li donner eune expliyicâtion dé "eune trajédie.

Un p'tit garçon l'vit sa main et dit: "Si m'n anmin, qui d'meuthe sus eune ferme, 'tait à jouer dans un clios et qui fûsse tué par un tracteu, chenna ess'ai eune trajédie."

"Nouffet" dit Moussieu Blair "chenna ess'ai un accident! Eune pétite fil'ye s'el'vi et dit: "Si lé cacheux dé not' bus dé l'êcole, auve chinquante êleves à bord, éthait la malchance dé cachi pardessus la falaise, tuant touos ieux - chenna ess'ai eune trajédie." "Nannîn, ma p'tite" explyitchi lé Tony "chenna ess'ai eune terribl'ye perte!"

La clâsse restit en silence, nul des êfants avait rein à dithe - nous éthait ouï eune êpîle tchaie!

Tony Blair èrgardit tout autou d's êleves et dit "Est-ch' qué personne ichin né peuvent mé donner la significâtion des mots "eune trajédie?" A la fin, d'eune carre en d'riéthe dé l'appartément, un tout p'tit garçon s'elvi et dit trantchillement: "Si vous, Moussieu Blair et Madanme Chérie, s'raient à bord d'un avion et qué, manque dé soin, l'artill'lie angliaîche vos souffliéthai en mille miots, chenna ess'ai eune trajédie."

"Fantastique! Tu as raîson!" s'êcliatchi lé Preunmyi Minnistre " tu es un êfant bein avisé. Et peux-tu m'dithe pour tchi qué ch' ess'ai eune trajédie?"

"Eh bein" dit l'mousse "ch'est absolument eune trajédie car ché n'ess'ai pas eune terribl'ye perte et ch'est probabl'ye qué ché n'ess'ai pas un accident ninnetout!!!"

S. A-K.