Qu'i fait bouon être à tabl'ye
Démeuthons-y longtemps
L'amour est agriabl'ye
Ch'est un pliaîsi charmant
L'amour est agriabl'ye
Ch'est un, ch'est un pliaîsi charmant

J'ai un cotchîn dé fréthe
Tchi m' fait enraigie
S'en va dithe à ma méthe
Qué j'aime man bèrger
S'en va dithe à ma méthe
Qué j'aim', que j'aime man bèrger

O bèrger d'man village
Veins don mé s'couothi
Éthais-tu lé couothage
Dé m' faithe mouothi?
Éthais-tu lé couothage
Dé m' faith', dé m' faithe mouothi?

J'éthais pon lé couothage
Dé t' faithe mouothi
Mais j'éthais l'avantage
Dé t' faithe landgi
Mais j'éthais l'avantage
Dé t' faith', dé t' faithe landgi

L'amour veint m' surprendre
Quand jé sis dans l'vîn
Et mé, pouor m' défendre
J'ai prîns man vèrre en main
Et mé, pouor m' défendre
J'ai prîns, j'ai prîns lé vèrre en main

Si j'étais blianch' héthonde
Qué j'piêsse voler
J'ithais d'ville en ville
J'ithais l'èraver
J'ithais d'ville en ville
J'ithais, j'ithais l'èraver

Mèrcie à Roland Scales pouor chutte vèrsion Jèrriaise