Rouli, roulant avaû lé camp, j'rencontris Minnette tchi prînt ma rouôlette. J'li dis, "Minnette, donnes-mé ma rouôlette". Ou m'dit, "Jé n'té donn'nai pas ta rouôlette dévant qu'tu m'donnes huthe dé loup” J'm'en fus au loup pour qu'i' m'donnîsse huthe dé loup. I' m'dit, "Jé n'té donn'nai pas huthe dé loup dévant qu'tu m'donnes tchiêsse dé vieau". J'm'en fus au vieau pour qu'i' m'donnîsse tchiêsse dé vieau. I' m'dit, "Jé n'té donn'nai pas tchiêsse dé vieau dévant qu'tu m'donnes lait d'vaque". J'm'en fus à la vaque pour qu'ou m'donnîsse lait d'vaque. Ou m'dit, "Jé n'té donn'nai pas lait d'vaque dévant qu'tu m'donnes fain dé pré". J'm'en fus au pré pour qu'i' m'donnîsse fain dé pré. I' m'dit, "Jé n'té donn'nai pas fain dé pré dévant qu'tu m'donnes cope dé faux". J'm'en fus à la faux pour qu'ou m'donnîsse cope dé faux. Ou m'dit, "Jé n'té donn'nai pas cope dé faux dévant qu'tu m'donnes graisse dé porc". J'm'en fus au porc pour qu'i' m'donnîsse graisse dé porc. I' m'dit, "Jé n'té donn'nai pas graisse dé porc dévant qu'tu m'donnes gliand d'tchêne". J'm'en fus au tchêne pour qu'i' m'donnîsse gliand d'tchêne. I' m'dit, "Jé n'té donn'nai pas gliand d'tchêne dévant qu'tu m'donnes vent d'Nord".

Lé Nord m'envente,
J'envente lé tchêne,
Lé tchêne m'englianne,
J'englianne lé porc
Lé porc m'engraisse,
J'engraisse la faux,
La faux m'enfainne,
J'enfainne la vaque,
La vaque m'allaite,
J'allaite lé vieau,
Lé vieau m'entchiêsse,
J'entchiêsse lé loup,
Lé loup m'enhuthe,
J'enhuthe Minnette
Tchi m'èrdonnit ma rouôlette.