• Les Pages Jèrriaises publiéthont autcheune chose en Jèrriais (véthe-dgia, autcheune chose - donnez-nous tchiquechose en Jèrriais et jé l'mettrons sus les pages)

• S'ous avez tchiquechose en Jèrriais, donnez-nous-en eune copie, s'i' vos pliaît!

• S'ou voulez copier autcheune chose des Pages Jèrriaises, ou pouvez faithe sèrvi autchun texte pouor ensîngni la langue, ou pouor aîdgi la prêsèrvâtion d'la langue

• Ou pouvez faithe des traductions des textes en Angliais, Français, Nouormand, ou autcheune aut' langue et les publier - et ou pouvez changi et faithe sèrvi les gammes pouor ensîngni d'aut's langues minnoritaithes

• Ou pouvez faithe sèrvi des matéthiaux dé d'ssus les Pages Jèrriaises sus d'aut's pages d'Ithangnie

• S'ou faîtes sèrvi tchiquechose dé d'ssus les Pages Jèrriaises, un p'tit èrmèrciement et un lian vèrs les Pages Jèrriaises s'saient bein appréciés

• I' n'y'a pon d'garantie qu'les textes sont sans fautes. Mêfi'ous!

• Y'a des textes dé bouonne qualité et des textes qué l's iuns considéth'thaient mauvais. Les Pages Jèrriaises publ'yient tout ch'qu'i' y'a en Jèrriais. Ch'est à vous d'chouaîsi l'bouôn et l'mauvais

• J'sommes otchupés à publier l'Jèrriais - et né v'là assez d'travas. Jé n'pouvons pon offri des traductions d'ches textes-chîn

• Y'a tréjous un bésoin pouor les gens tchi pouôrraient r'êcrithe sus l'compiuteu des vièrs textes en Jèrriais dé d'dans les livres et les gâzettes. J'voulons des volontaithes, s'i' vos pliaît!

• S'ou trouvez des fautes ou s'ou voulez suggéther d's amendements, env'yez un e-mail au maître-pêtre

Et mèrcie bein des fais pouor aver vîsité!