|
Y-a quiq' chose qui troublle Notre anmin Henri; I' c'menche à vée doublle, Est comme êbésoui: I' n'sait pus que faire, Est tout êbahi; Car la chose empiere Et ch'est pour Mardi. Quand i' nouos accoste I' ritonne un mio, Mais vla qui li couôte, Nou n'le veit que trop: I' suppe s'n haleine, I' nouos prend la main, Faut qu'il ait d'la peine Car i' n'fait pas l'feint. Auprès du chimetiere, Siez Missis Vauqui, I' donnit à bere L'aut' jour et mangi. Au but de la tablle Nou viyait l'anmin Endrait l'connêtablle Bafrant un gobin Il y-avait une rouelle Etou un couôron, Qu'était du comme smelle, Et un biau jambon Mais je fus dêmins, J'n'y vis pon l'picot Qu'nouz avait promins Pour faire le fricot Je bûmes quiq' laches En mangeant un brin, Sans faire de morgaches A not chier anmin Cari' faut vouos l'dire I' n'tait pas bein fi Et nou n'peut pas rire Auv la lerme à l'yi. Quand je lis consille D'dêjeuner hardi, Aussitôt l'nez s'quille A chu pouor Henri: I' faut qu'i' t'en couôte Si tu veurs gangni; N'ai pon d'peux d'ta pôte Mon chier doux Henri. 11/12/1871 - 4/1/1872 (P.L.)? |
Viyiz étout: