I' faut dessiner un navithe d'eune londgeu d'quat' cârrieaux, deux navithes d'eune londgeu dé trais cârrieaux, trais navithes d'eune londgeu dé deux cârrieaux, et quat' navithes d'eune londgeu dg'iun cârré.

Les navithes n'daivent pon s'toucher, et ous pouvez les pliaichi sait horizontalement sait vèrticalement.

I' faut tâchi dé dêtruithe les navithes à vot' parchonnyi, en dîsant lé jour et l'heuthe tchi correspondent au cârré dans létché ous criyiz qu'i' y a un navithe.

S'i' n'y a pon d'navithe, vot' parchonnyi ditha: "mantchi!"

S'i' y a un navithe, i' ditha: "frappé!"

Quand un navithe entchi a 'té dêtruit, i' ditha: "dêtruit!"

Les joueurs jouent tou à tou, mais s'ous frappez un navithe, ous jouez acouo eune fais.

Lé gângnant est l'chein tchi dêtruit touos les navithes à san parchonnyi.

Bouonne chance!