Dans les 60 membres lus rêunîtent dans la Salle Pârouaîssiale dé Ste. Mathie pouor la rêunion du mais d'janvyi. D'vant c'menchi, lé Président d'mandit ès membres dé lus l'ver et obsèrver eune minnute dé silence en mémouaithe dé Mde. Mallet et du Sieur Bisson. La Dlle. Audrey Le Feuvre liut lé rapport du Sèrvice dé Noué, tchi fut accepté. Un nouvieau membre fut êlu et, les affaithes finnies, lé Président mînt lé restant d'la séthée dans les mains du Juge R. H. Le Cornu et sa danme, qui montrîtent des portraits dé lus viage au Cannada et ailleurs. Y'avaient des supèrbes portraits de Vancouver, Banff, Calgary, Chicago, des vaques dé Jèrri a deux fèrmes, et pis des portraits d'France et dé tchiques parties d'Ecôsse pouor finni la séthée. Lé Président èrmèrcyit lé Juge et Mde. La Cornu pouor la bouanne séthée qu'il avaient donné et tous applaudîtent.
Les danmes du Conmité Exétchutif sèrvitent lé souper - café et galettes - à tous et lé Président fit l'announce d'un r'pas à la broche, jeudi, lé 27 d'avri, et èrmèrcyit lé Conmité, lé Connêtabl'ye d'Ste. Mathie pour la salle et tous pouor être v'nus.
1978
Viyiz étout: