L'Assembliée d'Jèrriais offre la beinv'nue à la sîngn'gnie d'la Charte Ûropéenne des langues régionales et minnoritaithes par lé gouvèrnément Britannique.
Achteu lé Gallouais, l'Irlandais, l'Êcossais, lé Scots et lé Scots d'Ulster es'sont èrconnus officiellement et donnés d'la protection officielle. Et ch'est eune bouonne chose duthant l'Année Ûropéenne des Langues 2001, étout.
Ouaithe qué l'Jèrriais n'sait pon acouo protégi souos la Charte, j'attendons la ratificâtion d'la Charte par lé gouvèrnément Français à seule fîn qu'lé Nouormand sait protégi et encouothagi étout et qué j'piêssions travaillyi ensembl'ye pus effectivement auve nos couôsîns d'la grand' tèrre et les Dgèrnésiais pouor ensîngni et faithe sèrvi les langues d'originne Nouormande.
“J'sommes bein heutheurs d'vaie chutte ratificâtion duthant l'année tchi mèrque not' chînquantchième annivèrsaithe,” dit l'Sieur Tony Scott Warren, Président d'L'Assembliée d'Jèrriais, “et j'espéthons vaie acouo d's efforts par l's Êtats d'Jèrri d'siéthe l'exempl'ye du gouvèrnément du Rouoyaume Unni et faithe acouo pus pouor encouothagi l'Jèrriais.”
27/3/2001
Viyiz étout: