Pâssant huiptante membres lus rêunitent dans la Salle Pârouaissiale dé St. Louothains, vendrédi, l'26 dé novembre, pour un jeu d'cartes.

D'vant c'menchi l's affaithes, lé Président, l'Sénateu P. J. Romeril, d'mandit ès membres dé lus l'ver et obsèrver eune minute dé silence en mémouaithe dé Mde. Annie Le Quesne, l'Sieur C. P. de Gruchy et l'Juge W. J. Sarre dé Dgèrnésy.

Lé rapport du mais d'octobre fut liu et accepté, la correspondance fut liue et trais nouvieaux membres fûtent êlus.

Lé restant d'la séthée 'tait dans les mains du Conmité Social et l'Sieur J. N. Richard 'tait Maître dé Cérémonies pour lé jeu d'cartes.

À mié la séthée les danmes du Conmité sèrvîtent un bouan souper à tous, et à la fîn Mde. L. Romeril présentit les prix ès gagnants.