Dans les quarante membres lus rêunîtent dans la Salle Publyique dé St. Martîn pouor un jeu d'cartes, vendrédi, lé 30 d'octobre. D'vant c'menchi l's affaithes, lé Président, lé Juge R. H. Le Cornu, d'mandit ès membres dé lus l'ver et obsèrver eune minnute dé silence en mémouaithe dé Mde. Cynthis de la Haye.
Les rapports fûtent lius et approuvés, trais nouvieaux membres fûtent acceptés, et la correspondance à des membres malades et lus rêponses fûtent liues.
Lé Président d'mandit ès membres dé faithe eune note spéciale du changement d'date d'la séthée sociale, auvec un souper d'pais du fou, du pâte et du cidre, et étout eune râfliéthe et d'la musique, tout pouor £1.50, dans la Salle Pârouaîssiale dé St. Louothains, vendrédi, lé 20 d'novembre.
Lé restant d'la séthée dans les mains du Sieur Howard Cabot, maître d'cérémonies pouor lé jeu d'cartes. À mié la séthée les membres du Conmité Exétchutif sèrvîtent un souper et y'avait eune râfliéthe.
Mde. La Cornu présentit les prix à la fin d'la séthée et l'Président èrmèrcyit les membres du Conmité pour lus travas et Moussieu l'Connêtabl'ye d'St. Martin pour l'usage d'la salle.
Viyiz étout: