L'Assembliée d'Jèrriais
Rêunion Générale Annuelle
La Rêunion Générale Annuelle eut lieu Vendrédi au sé, lé 28 dé Septembre 1956, à 8 heures, dans la Salle d'Agrichulture, St. Hélyi. I'y avait eune septanaine dé membres présents.
Lé rapport de la dernière Réunion Générale fut liu, approuvé et adopté. Un êtat financyi tch'avait té examiné et cèrtifié par les deux auditeurs et tchi montrit eune balanche en faveur dé l'Assembliée, fut présenté par lé Sieur Raymond Baudains (Trésôryi), et adopté.
Ermèrciements.
D'vant c'menchi l'êlection d'officiers et d'Comités pour l'année 1956 - 1957, lé Sieur Chs. Billot (Président), ermèrcyit touos l's officièrs pour lus aide, lus fidélité et lus dévôtion, en travâillant si bein toute l'année. Il offrit un grand mèrci étout ès Auditeurs.
Lé Sieur Frank Trachy, au nom des membres, ermèrcyit l'Président pour san travas d'administration toute l'année; pour l'énèrgie et l'intérêt qu'il a montré dans toutes les affaires dé l'Assembliée, et comment qu'i' nos a bein dirigis jusqu'ichin.
Lé Sieur Billot, en ermèrciant les membres, dit qué tout ch'qu'il avait fait, avait 'té pour l'i un pliaisi, et qué avec l'aide des officièrs, i' pouvait dire qué j'avions pâssé eune année hardi profitablye.
Les Elections.
Ensuite, suivit l's êlections, et né v'chin la liste d'officièrs pour l'année tchi veint.
- Président d'Honneur. - Lé Juge H. Le Riche Edwards.
- Président. - Lé Sieur Chs. P. Billot.
- Vice-Présidents. - Lé Connêtablye S. G. Crill, lé Sieur Frank Trachy; Mesdames K. Le Maistre et F. Perrier.
- Trésôryi. - Lé Sieur Raymond Baudains.
- Trésôryi - Assistant. - Lé Sieur Ph. Le Moignan.
- Sécrétaire. - Mlle Lucille Picot.
- Sécrétaire-Assistante. - Mme. Amelia Perchard.
- Auditeurs. - Lé Sieur Ph. Le Ruez et lé Sieur Robert Chas. Le Rossignol.
- Membres du Comité - Messieux G. W. Bertram, F. Le Maistre, W. du Tot, J. N. Richard, G. J. Perchard, R. T. Cabot, J. W. Le Breton, Frs. J Hacquoil, H. M. Gibaut (Député), Mme. P. Green (Députée) et Mme.E. Le Sueur.
Nouvieaux Membres.
Les quatre nouvieaux membres êlus sont:
Mlle. Amy Neel, lé Sieur John T. Yandell, lé Sieur J. Georgelin et Mme. Georgelin.
Divèrtissement.
Comme divertissement, lé Comité Dramatique avait organisé eune série dé tchestchions entouore Jèrri. La salle fut divisée en quatre sections, avec un maître ou maîtresse dé tchestchions pour chaque groupe. Ch'fut un grand succès et les membres fûtent hardi intérêssis et bein rêvillyis. I' rêponnîtent avec eune vive intelligence afin d'gagni lus points.
Lé Président ermèrcyit les personnes responsablyes pour l'organisation et il annoncyit qué la préchaine rêunion éra lieu Vendrédi, lé 26 d'Octobre.
Viyiz étout: