Châque année, la meunicipalité et l's églyises Chrêtchiennes dé Jèrri arrangent un pèlerinnage - dé couôteunme chenna a prend pliaiche lé Dînmanche lé pus près du jour d'Saint Hélyi même, tch'est l'seize dé Juilet.

S'lon la tradition, St. Hélyi fut machacré pouor sa fouai d'vant l'rotchi où'est qu'il avait vêtchu pouor treize ans, priant et prêchant la Pathole dé Dgieu ès habitants d'Jèrri.

Ch'n'est qu'au bas dg'ieau qu'nou peut marchi à l'Hèrmitage, la chapelle bâtie sus la pliaiche où'est qu'lé saint d'meuthait y'a des siècl'yes. I' faut pâsser par lé Châté Lîzabé tchi fut bâti sus les rotchièrs d'à côté d'vièrs la fîn du seizième siècl'ye.

En 2003, lé pèlerinnage quémenchit à l'Églyise Pârouaîssiale dé St. Hélyi où'est qu'les pèlerîns chantîtent un cantique.

La procêssion pâssit par les grandes rues d'la Ville, et nou fit eune pause à la Crouaix du Millénaithe pouor des priéthes avant dé d'valler sus la grève pouor c'menchi la crouaîs'sie au Châté. Mouon Doue d'la vie, faîsait-i' eune arsion ch't' année - dans les trente-tch'iun d'grés!

En arrivant au Châté, y'eut un sèrvice dans l'bel ès pathades - des priéthes, des cantiques, et tchique patholes en Jèrriais et euen priéthe en Français env'yée par les pârouaîssiens d'l'églyise dé St. Hélyi à Beuzeville dans la Grand'Tèrre. Lé Péthe Marett-Crosby adréchit tchiques patholes ès pèlerîns entouor Saint Hélyi, l'êtrangi, et coumme les cheins tchi veinnent en Jèrri pouor travailli apportent des dons tout coumme Saint Hélyi tch'apportit la fouai Chrêtchienne.

Les pèlerîns continnuîtent à l'Hèrmitage. Lé Douoyen et l'Connêtabl'ye montîtent les preunmièrs, et l'Connêtabl'ye pliaichit eune couronne dé flieurs sus l'Liet d'St. Hélyi.

Les d'grés sont hardi d'à pic, et l'Hèrmitage est divèrsement p'tit quand y'a du monde là-d'dans, mais pouor dé mé, n'y'a pon d'couôteunme en Jèrri coumme lé Pèlerinnage dé St. Hélyi.

à l'Églyise dé St. Hélyi	à l'Églyise dé St. Hélyi	en pâssant par la Salle Pârouaîssiale dé St. Hélyi	en pâssant par la Salle Pârouaîssiale dé St. Hélyi	dans l'par
dans l'par	à la Crouaix du Millénaithe	à la Crouaix du Millénaithe	en s'appréchant d'la grève	sus la Grève d'la Ville
sus la Grève d'la Ville	Lé Mont ès Pendus en driéthe	sus lé C'mîn du Châté	sus lé C'mîn du Châté	sus lé C'mîn du Châté
en s'appréchant du Châté	Lé Châté Lîzabé	Lé Châté Lîzabé	Lé Châté Lîzabé	dans l'Châté
lé sèrvice dans l'bel	St. Hélyi raconte s'n histouaithe	Lé Connêtabl'ye de St. Hélyi en contemplâtion d'l'Hèrmitage	Lé Connétabl'ye apporte eune couronne	La couleu d'la Pâraîsse et l'Hèrmitage
en s'appréchant d'l'Hèrmitage	les pèlerîns montent à l'Hèrmitage	les pèlerîns montent à l'Hèrmitage	lé liet d'St. Hélyi	L'Hèrmitage

Saint Hélier, il y a environ quinze siècles que tu parcourais notre sol normand et ton nom est resté vivant dans notre commune puisque plusieurs endroits portent ton nom, et particulièrement notre église, avec un très beau vitrail te représentant !

Cependant, on te connaît bien peu ... Comme nous l'apprend l'hagiographe qui a retracé ta vie, tu ne connus le Christ qu'à sept ans, mais tu t'attachas à lui pour toute ta vie.

Toi qui avais semble-t-il le don de parler aux lapins pour établir un arrangement avec eux, donne-nous, nous t'en prions, de savoir communiquer avec les autres pour les écouter, effacer les divisions et parvenir ainsi a des relations harmonieuses.

Toi qui as su guérir de la cécité, donne-nous la lumière pour que nous sachions distinguer ce que le Christ attend de nous dans les heures difficiles.

Tu fus un messager de la Parole et pour cela tu n'hésitas pas à gagner Jersey, donne-nous la générosité pour travailler à faire connaître et aimer Celui pour qui tu as accepté de mourir martyr.

 

R'tou à la page d'siez-mé | Back to home page

E-mail: geraint@societe-jersiaise.org